अन्तर्राष्ट्रिय महिला श्रमिक दिवसको अवसरमा मध्यभारत क्षेत्रको भोपालस्थित रामलीला मैदानमा नेपाली जनसम्पर्क समिति महिला विभागद्वारा एक उत्कृष्ट तथा प्रेरणादायी कार्यक्रम भव्य रूपमा सम्पन्न भएको छ। कार्यक्रम इन्दिरा शर्माको अध्यक्षता तथा दीपा बस्यालको कुशल सञ्चालनमा सम्पन्न भएको थियो।
कार्यक्रममा महिला अधिकार, समानता र सशक्तिकरणका विषयमा विभिन्न वक्ताहरूले आफ्नो विचार व्यक्त गर्दै समाज निर्माणमा महिलाको महत्वपूर्ण भूमिकाबारे प्रकाश पारेका थिए। वक्ताहरूले महिला श्रमिकहरूको सम्मान, अधिकारको संरक्षण र अवसरको समानताका लागि निरन्तर पहल आवश्यक रहेकोमा जोड दिएका थिए।
उक्त कार्यक्रममा उपस्थित महिलाहरूले उत्साहपूर्वक सहभागिता जनाउँदै अन्तर्राष्ट्रिय महिला श्रमिक दिवसको महत्वबारे चर्चा गरेका थिए। साथै विभिन्न सांस्कृतिक प्रस्तुति र प्रेरणादायी वक्तव्यले कार्यक्रमलाई अझ आकर्षक र स्मरणीय बनाएको थियो।
कार्यक्रमको अध्यक्षता गर्दै इन्दिरा शर्माले महिला सशक्तिकरण आजको आवश्यकता भएको बताउँदै महिलाहरूले शिक्षा, चेतना र एकताको माध्यमबाट समाजमा सकारात्मक परिवर्तन ल्याउन सक्ने विश्वास व्यक्त गर्नुभयो। कार्यक्रम सञ्चालन गर्दै दीपा बस्यालले सम्पूर्ण अतिथि, सहभागी तथा आयोजकलाई धन्यवाद व्यक्त गर्दै कार्यक्रम सफल बनाउन सबैको महत्वपूर्ण योगदान रहेको उल्लेख गर्नुभयो।
यसरी नेपाली जनसम्पर्क समिति महिला विभागद्वारा आयोजित अन्तर्राष्ट्रिय महिला श्रमिक दिवसको कार्यक्रम उत्साह, ऊर्जा र प्रेरणाका साथ सम्पन्न भएको छ।
भोपाल मध्य प्रदेश
ई खबर मीडिया से शांत जी की रिपोर्ट
